රාවණාගේ ශිලා ලිපි ඇත්තක්ද?
ඇත්තටම රාවණා කියන්නෙ ඉන්දියාවෙ හිටපු මහා ඍෂිවරයෙක් වුණු වාල්මිකී කියන ඉසිවරයා ලියපු රාමායනයෙ එන චරිතයක්. රාමායනය ලියන්නෙත් කොස්වා ලිහිණි ජෝඩුවකට වෙච්ච ඛේදවාචකයක් දැකලා කියල කියනවනෙ. කොහොම හරි ඕකෙ සීතාව පැහැරගෙන එන චරිතෙනෙ රාවණා. මුල් ම වතාවට ලංකා කියන වචනෙ කියවෙන්නත් ඔතන තමයි ඉතිං. ඒකනෙ දැං මේ තියෙන කතාන්දර ඔක්කොටම මුල. හැබැයි මෙහෙ ම දේකුත් තියෙනවා. ඔය සංස්කෘත පොත් එකකවත් රාවණා ලංකාවෙ ඉපදුනා කියල නං නැහැ. රාවණා රජතුමාගෙ උපන් බිම ඉන්දියාව.ඒක නං පැහැදිලිවම තියෙනවා. දැං මෙතන තියෙන ගැටළුව මේකයි. සමහර අය රාවණා ගැන සෙල් ලිපි වලත් තියෙනවා කියලා කියනවනෙ. ඒත් පූර්ව බ්රාහ්මී සෙල්ලිපි වල. පූර්ව බ්රාහ්මී සෙල්ලිපි මේ වෙනකං උත්තිය රජතුමාත් ඒ රතුමාගෙ අනුප්රාප්තිකයො කීප දෙනෙකුත් විතරයි භාවිතා කරල තියෙන්නෙ. ඊට පස්සෙ ඉතිං ලියවෙච්ච ලිපි ලියල තියෙන්නෙ අපර බ්රාහ්මී අක්ෂර වලින්. දැං වැදගත් ම කතාව මේකයි. අපේ සමහර උදවිය මන්න මේ වගේ සෙල්ලිපි පාඨ කීපයක් දාලා රාවණා රජතුමා ව සාධාරණීකරණය කරනවා.
"හන මකර මහඣක පුත ගොනස ලෙනෙ."
(සේනාපති මකරගේ පුත් ගෝනසගේ පුත් මකරගේ ලෙණයි.)
-අරණායක අම්බලන්කන්ද-
"තණ වඩන ද හක ලෙණෙ."
(තණ වඩක / තෘණ බින්දුගේ ලෙණයි.)
-වෙස්සගිරිය-
"රාවණ රඣන පුත ඉඣු ලෙනෙ."
(රාවණා රජුගේ පුත් ඉන්ද්රගේ ලෙණයි.)
-අරණායක රාක්ෂගල-
මම කලින් ම කියපු සෙල් ලිපියේ මකර කියල කෙනෙක් ගැන තියෙන්නෙ ඒ රාවණා රජතුමාගෙ සේනාපති කියනවනෙ. රාවණා රජතුමාගෙ සේනාපති මකර තමා. ඒත් මෙහෙම දෙයක් අපිට එක පාරම පිළිගන්න බෑ නේද? මොකද පස්සෙ කාලෙ ඇති තරම් මකර කියලා සෙන්පතිවරු ඉන්න පුළුවන්නෙ. හරියට කාළිදාස වගේ ගොඩක් අය ඉන්දියාවෙ හිටියා වගේ. දෙවෙනි ලිපියේ කියන්නෙ තෘණ බින්දු කියල කෙනෙක් ගැත. ඒ රාවණා රජතුමාගෙ සීයළු. නම විතරක් අරං මේ විදියට කියන එක සාධාරණ නෑනෙ.හැබැයි තුන්වෙනි ලිපියෙ ටිකක් තියෙන ඒවා බැළුෑ බැල්මට පිළිගන්න වෙන හැඩයක් තියෙන්නෙ. හැබැයි ඒත් ඒක එහෙම නෙවෙයි. මොකද පස්සෙ කාලෙ රාමායනය කියපු කෙනෙක් හරි බැරි කමක් නෑ මේ විදියෙ ලිපියක් කොටවන්න. එහෙමත් නැතිනම් ප්රාදේශීය පාළකයෙක්ගෙ පුතෙක් මේක කෙටෙව්වා වෙන්නත් බැරි නැහැ. ඒත් මේ වෙනකං තහවුරු කරගත්ත පුරාවිද්යා සාක්ෂි රාවණා චරිතය සම්බන්ධයෙන් නම් නැහැ.
මට තව දෙයක් කියන්න ඕනෙ. අපි කියන කතාවක්නෙ මහින්දාගමනයත් එක්ක අක්ෂර මාලාවක් ආවා කියන එක. ඒකත් බොරු කරන්න පුළුවන් සාක්ෂි නම් ඇති තරම් මට තියෙනවා. ඒත් ඉතිං ක්රි.පූ 6 ට එහා නම් යන්නෙ නැහැ. ඒ නිසා රාවණා කාළයේ මෙහෙම අකුරු තිබ්බා කියලා හිතන්න බෑ. දැනට හම්බුවෙලා තියෙන පරණම බ්රාහ්මී ලිපිය අයිති උත්තිය රජතුමාට. අනික මේ අවුරුදු දාස් ගාණකට ගොඩක් අපේ අක්ෂර මාලාව වෙනස් වෙලා තියෙනවා. අපි අද පාවිච්චි කරන අකුරු හැදිල තායෙන්නෙ මුල් බ්රාහ්මී අක්ෂර වලින්. ඒක මම වෙනම ලිපියකින් කියන්නම්. අනික රාවණා රජතුමා අවුරුදු 5000 කට කළින් හිටියා කියලා හිතුවොත් උත්තිය රජතුමා ලිපි කොටවන්න ඕනෙ අද අපි පාවිච්චි කරන අකුරු වලින්. මෙන්න මේකයි තත්වෙ.
හැබැයි මෙහෙම එකක් තියෙනවා. පුරාවිද්යා සාක්ෂි නැති වුණු තරමට අපිට රාවණා චරිතයක් නැහැ කියන්න කොහොමටවත් බැහැ.ඒ නිසා එහෙම පුද්ගලයෙක් ගැන හොයනකොට ගවේශණය කරන අය පොඩ්ඩක් විමර්ශනශීලී වෙන්න ඕනෙ කියන එකයි මගේ නම් හැගීම.
No comments:
Post a Comment